فرمان امام رضا سلام اللہ ورضوانہ علیہ
جن کے ناخن زرد ہو رہے اور ٹوٹ رہے ہوں انھیں چاہیے کہ اپنے ناخن جمعرات کو کاٹنے کی عادت بنا لیں۔اس عادت سے ان کے ناخنوں اور انگلیوں کےسروں کی خرابی کی روک تھام ہو جائے گی۔
جدید سائنسی تحقیق
طبی ماہرین کے مطابق زرد ناخن نظام تنفس(سانس کا نظام) کے امراض کی نشاندہی کی علامت بھی ہوسکتے ہیں جبکہ ان سے اس بات کی بھی عکاسی ہوتی ہے کہ آپ خون کی کمی کے مرض کا شکار ہیں یا ہو سکتے ہیں۔طبی لحاظ سے بڑے ناخن رکھنا مضرِصحت ہیں ۔ناخن جراثیم کی پناہ گاہ ہیں،ناخنوں میںموجود گندگی اور جراثیم کھانے کے ذریعےپیٹ میں چلےجاتے ہیں اور کئی بیماریوں مثلا ہیضے، معدے کی خرابی، نزلہ زکام،دانت و مسوڑھوں کی بیماریاں، پیٹ درد،ٹائیفائیڈ ،اسہال، آنتوں میں کِیڑے اور ورم کا سبب بنتے ہیںاور مدافعتی نظام کو بھی بہت متاثر کرتے ہیں۔
مختلف بیماریوں کی بنیاد
لمبے ناخنوں میں گندگی کی وجہ سے ان میں فنگس پڑنے کا بھی امکان ہوتا ہےجس سےناخن ٹوٹنے لگتے ہیں۔طبی ماہرین کے مطابق ناخن تراشنے سے ناخنوں کی نشوونما اچھی ہوتی ہے۔اگر آپ ہفتے میںایک دن ناخن کاٹنے کی عادت اپنا لیںتو جہاں ناخن صاف ہوکرٹوٹنے سےبچیں گے وہاں آپ بہت سی بیماریوں سے بھی محفوظ ہوجائیںگے۔ جب ناخن طویل وقت تک نہ کاٹے جائیں تو یہ ارد گرد کی جلد میں بڑھنا شروع ہوجاتے ہیں۔ یہ درد، سوجن اور انفیکشن کا سبب بن سکتے ہیں اگر فوری طور پر توجہ نہ دی جائے۔
مدافعتی نظام کیلئے نقصان دہ
ناخن نہ کاٹنے کے نقصانات کافی زیادہ ہیں بالخصوص چھوٹے بچوں کے لحاظ سے جن کے مدافعتی نظام ابھی نشو نما پارہے ہوتے ہیں۔ بچوں کے ناخن باقاعدگی سے نہ کاٹنے سے کئی ممکنہ مسائل پیدا ہو سکتے ہیں۔ لمبے ناخن بچوں کی جلد میں جلن کا باعث بن سکتے ہیں خاص طور پر چہرے کے ارد گرد اور دیگر حساس جگہوں پر۔ بچے نادانستہ طور پر اپنی جلد کو لمبے ناخنوں سے کھرچ سکتے ہیں یا رگڑ سکتے ہیں جس سے لالی، سوزش اور تکلیف ہوتی ہے۔
بچوں کیلئے انتہائی مضر
گندگی، بیکٹیریا اور دیگر جراثیم لمبے ناخنوں کے نیچے جمع ہو جاتےہیں جس سے انفیکشن کا خطرہ بڑھ جاتا ہے۔ بچے اپنی انگلیاں اپنے منہ میں لے جاتے ہیں جس کے نتیجے میں جراثیم منہ یا جسم کے دوسرے حصوں میں منتقل ہوتے ہیں۔
لمبے ناخن بچے کی روزمرہ کی سرگرمیوں میں خلل پیدا کر تے ہیں۔ انہیں چیزوں کو پکڑنے، برتنوں کا استعمال کرنے میں دشواری پیش آتی ہے جبکہ کھیل کے دوران وہ خود یا دوسروں کو انجانے میں تکلیف پہنچا سکتے ہیں۔ جب ناخن طویل وقت تک نہ کاٹے جائیں تو یہ ارد گرد کی جلد میں بڑھنا شروع ہوجاتے ہیں۔ یہ درد، سوجن اور انفیکشن کا سبب بنتے ہیں۔